四樣嘢,原廠鍵盤做唔到
超準廣東話語音
比原廠準 50%講完即出。你慣用嘅品牌、公司名、人名都寫啱,廣東話照寫廣東話
速成、倉頡連打
Vibe Typing成句一路打,唔使逐個字揀;英文字夾埋一齊打,打錯幾個鍵都估到
中英夾雜,認得超好
打 nei 出「你」,打 email 就出 email。中英候選字排埋一齊,唔使撳中/英
認得你嘅 Keywords
同事、客、牌子嘅名加入 Keywords,聽到似嘅音就寫返你嘅寫法
英文鳩打都得
✦ 一撳執返正
打錯字、漏咗空格、文法亂晒都唔緊要。撳一下 ✦,AI 幫你執返做一句通順嘅英文。要 Chinglish 有 Chinglish,要 formal 有 formal
每個細節,都為香港人諗過
講完可以「讀俾我聽」
幫爸媽裝一個,WhatsApp 你都快啲
+滑動英文
一句過
Android、iPhone、Mac
都係同一個 OmuType
幾部機一齊用
真機截圖
打字、講嘢,都喺同一個鍵盤





私隱
打字,留喺你部機
打字唔使上網
粵拼、倉頡、英文全部喺部機度處理,冇網都照打得
私隱欄位冇 mic、冇 AI
密碼、數字、電話號碼同無痕模式乜都唔會傳出去;姓名同電郵可以講,但唔用 AI
錄音唔留底
語音交畀語音辨識服務轉做文字,我哋伺服器唔存錄音、唔存內容
冇廣告、唔賣資料
唔會用你打嘅嘢賣廣告,亦唔會賣畀任何人
換新機,掃個 QR 就搬到
舊機出個 QR 碼,新機嘅 OmuType 一掃,你嘅 Keywords 就由一部機直接過去另一部機,唔經任何 server。iPhone 同 Android 互相都得
想連常用字一齊搬,就用備份檔
常見問題
OmuType 使唔使錢?
打字免費,冇限制;每部機每星期仲有 10 分鐘免費語音,用完之後每個鐘仍然有 1 分鐘。想講多啲,可以喺 app 設定加入 OmuType VIP 支持我哋,經 Google Play 或 App Store 付款,隨時取消。唔使登記。
打字要唔要上網?
唔使。粵拼、倉頡、速成同英文都喺部機度處理。語音同 AI 修正先要上網。
支援咩輸入法?
粵拼(懶人拼音,唔使打聲調)、倉頡、速成、筆劃同手寫,英文候選字同中文一齊出,唔使轉鍵盤。
速成可唔可以跟返 Windows 嘅選字次序?
可以。設定 › 中文輸入法揀速成,排字揀「跟 Windows」:每個碼嘅字同電腦速成一樣用 Big5 次序排,每頁 9 個字,撳 1–9 揀字(打完兩碼,Q 至 O 就係 1 至 9),空格轉下一頁。預設嘅「智能排序」就將常用字排先,仲可以成句連詞一齊打。
有冇手寫輸入?
有,Android 同 iPhone 都有。喺「中文輸入法」揀「手寫」,用手指寫,辨識喺部機度做,唔出簡體。Android 仲可以兩格輪住寫:寫完一個字,繼續喺另一格寫,上一個字就自動輸入,唔使逐個字揀;第一次揀會下載約 17 MB 嘅辨識模型,之後唔使上網。
我打嘅嘢會唔會畀人睇到?
你打嘅字喺部機度處理,唔會傳出去。用語音嗰陣,錄音同附近幾句文字會交畀語音辨識同 AI 服務處理,我哋伺服器唔存內容。密碼、數字、電話號碼同無痕模式呢啲私隱欄位冇 mic、冇 AI。詳情睇私隱政策。
有冇 Mac 版?
有。OmuType Mac 版係第一款倉頡連打、中英混打嘅 Mac 輸入法,速成、粵拼、筆劃都有,完全唔上網;語音版仲可以講嘢打字。2026 年底前下載,永久免費。喺 omutype.co/mac 下載。
OmuType 同 Omucloud 有咩關係?
OmuType 係 Omucloud 嘅姊妹產品,由同一間公司 Alano Tech 出品。Omucloud 畀你用自己個域名免費開公司 email。








