中英混打
中英一齊打，唔使轉嚟轉去
打 nei 出「你」，打 email 就出 email。中文英文候選字排埋一齊，唔使再轉鍵盤，中英之間嘅空格都幫你加埋
- 懶人粵拼
- tinlau → 填漏，唔使打齊、唔使打聲調
- 倉頡 · 速成
- 鍵面直接顯示字根
- 個人詞彙
- Omucloud · Figma · Kasey
- 香港繁體
- 裏唔係裡，唔會出簡體
AI 修正
講錯咗？講多句就改返
唔使撳返去逐隻字刪。直接講「唔係 Mandy，係 Wendy」，OmuType 淨係改你講嗰度，其他字一隻都唔郁。改錯咗？撳一下撤銷
「唔係 Mandy，係 Wendy 呀」
WhatsApp · 大學 group
聽晚我同 Mandy Wendy 去食飯，你嚟唔嚟？
仲可以咁講
向左掃刪字
刪字唔使
喺鍵盤上面向左掃：掃得遠，刪得多，一格一個字。要刪嘅字會先標紅，放手先刪；後悔就掃返右邊
- 一格一個字
- 中文詞、English 字都一樣咁刪
- 先睇清楚
- 放手之前，要刪嘅字標紅晒
- 掃返右邊
- 唔想刪就掃返去，乜都唔郁
手寫輸入
兩格輪住寫
揀「手寫」，用手指喺兩格輪流寫：寫完一個字，繼續喺另一格寫，上一個字就自動輸入。唔使每寫一個字就停低撳候選字，寫一句快好多
- 雙格連寫
- 寫下一格，上一個字自動入
- 寫過界都得
- 格會跟住個字變大，唔會切開
- 香港繁體
- 喺部機度辨識，唔出簡體
- 下載一次
- 約 17 MB，之後唔使上網
個人詞彙
講得越多 越準確
人名、公司名、牌子，語音最易聽錯。加入個人詞彙之後，佢聽到似嘅音，就會對返你嘅詞彙。用得越耐、詞彙越多，佢就越聽得準你講嘢。聽錯咗？撳落個字、打啱一次，佢就記住，之後次次都啱
約咗 Kason 聽朝傾 Omucloud 個 demo，順手幫你買杯 Oatly
你平時點講，佢就點打
茶記、office、港鐵月台，大家講嘢本來就廣東話夾 English。唔使你遷就個鍵盤，係個鍵盤遷就你
真機截圖
打字、講嘢，都喺同一個鍵盤
私隱
打字，留喺你部機
打字唔使上網
粵拼、倉頡、英文全部喺部機度處理，冇網都照打得
私隱欄位冇 mic、冇 AI
密碼、數字、電話號碼同無痕模式乜都唔會傳出去；姓名同電郵可以講，但唔用 AI
錄音唔留底
語音交畀語音辨識服務轉做文字，我哋伺服器唔存錄音、唔存內容
冇廣告、唔賣資料
唔會用你打嘅嘢賣廣告，亦唔會賣畀任何人
Mac · 2026 年底前下載，永久免費Beta 版
介紹返 Vibe Typing：
倉頡 · 速成 · 粵拼 · 筆劃
macOS 15 或之後 · Apple 晶片
常見問題
OmuType 使唔使錢？
打字免費，冇限制；每部機每星期仲有 10 分鐘免費語音，用完之後每個鐘仍然有 1 分鐘。想講多啲，可以喺 app 設定加入 OmuType VIP 支持我哋，經 Google Play 付款，隨時取消。唔使登記。
打字要唔要上網？
唔使。粵拼、倉頡、速成同英文都喺部機度處理。語音同 AI 修正先要上網。
支援咩輸入法？
粵拼（懶人拼音，唔使打聲調）、倉頡、速成、筆劃同手寫，英文候選字同中文一齊出，唔使轉鍵盤。
速成可唔可以跟返 Windows 嘅選字次序？
可以。設定 › 中文輸入法揀速成，排字揀「跟 Windows」：每個碼嘅字同電腦速成一樣用 Big5 次序排，每頁 9 個字，撳 1–9 揀字（打完兩碼，Q 至 O 就係 1 至 9），空格轉下一頁。預設嘅「智能排序」就將常用字排先，仲可以成句連詞一齊打。
有冇手寫輸入？
有。喺「中文輸入法」揀「手寫」，用手指喺兩格輪住寫：寫完一個字，繼續喺另一格寫，上一個字就自動輸入，唔使逐個字揀。辨識喺部機度做，唔出簡體；第一次揀會下載約 17 MB 嘅辨識模型，之後唔使上網。
我打嘅嘢會唔會畀人睇到？
你打嘅字喺部機度處理，唔會傳出去。用語音嗰陣，錄音同附近幾句文字會交畀語音辨識同 AI 服務處理，我哋伺服器唔存內容。密碼、數字、電話號碼同無痕模式呢啲私隱欄位冇 mic、冇 AI。詳情睇私隱政策。
有冇 Mac 版？
有。OmuType Mac 版係第一款倉頡連打、中英混打嘅 Mac 輸入法，速成、粵拼、筆劃都有，完全唔上網；語音版仲可以講嘢打字。2026 年底前下載，永久免費。喺 omutype.co/mac 下載。
OmuType 同 Omucloud 有咩關係？
OmuType 係 Omucloud 嘅姊妹產品，由同一間公司 Alano Tech 出品。Omucloud 畀你用自己個域名免費開公司 email。