讓 Android 擁有 iPhone 級別嘅辨識度
廣東話夾 English、香港繁體、人名牌子，撳住 mic 講就得。唔使換手機
點解要另外一個語音輸入
講廣東話，唔應該打出普通話
大部分語音輸入聽得明廣東話，但打出嚟會轉做「我們」「明天」，英文字就譯做中文或者食咗。OmuType 淨係做一樣嘢：你講乜，就打乜
- 廣東話照寫咗、嘅、畀，唔變「了、的、給」
- 英文照留meeting、send、proposal
- 香港繁體裏、着，唔會出簡體
香港繁體
永遠唔出簡體
好多語音輸入聽完廣東話，打出嚟係簡體字，要逐隻改。OmuType 每一句打出嚟之前都會過一次香港繁體，用香港人慣用嘅字形
- 語音
- 辨識結果有簡體字，即刻轉返繁體。AI 改寫、縮短、轉英文之後都一樣
- 打字
- 倉頡、速成字庫剔走咗簡體專用字，粵拼候選字全部係繁體
- 香港字形
- 裏、着、為，跟香港鍵盤慣用寫法，唔係台灣或者內地字形
语音語音簡體即刻轉返繁體里面裏面香港寫法，唔係「裡」着数着數香港用「着」发票發票單據、報價單照打繁體后生後生唔會「后」「後」亂咗为咗為咗唔會出舊字形「爲」
撳住、講、放手
喺 WhatsApp、Gmail、Google Maps，任何打得字嘅地方都用得
- 01
撳住 mic 講
廣東話、English、兩樣夾埋講都得。唔使揀語言，唔使轉鍵盤
- 02
放手，AI 幫你執字
同音字、人名、牌子名，打出嚟之前再對一次。啱啱加咗嘅字會亮一陣，方便你望清楚
- 03
講錯？講多句就改
講「唔係 Mandy，係 Wendy」，淨係改嗰個名。「短啲」「用英文」「客氣啲」都得
Keywords
人名、牌子，都聽得啱
語音最易聽錯嘅，係你身邊嘅名。將同事、公司、產品名加入 Keywords，佢聽到似嘅音，就會打返你嘅寫法。喺任何 app 揀起個字，就可以加
| 聽到 | 打出 |
|---|---|
| 費格瑪 | Figma |
| 奧木 cloud | Omucloud |
| Casey | Kasey |
| chika | Chiikawa |
手唔得閒嘅時候，講就得
用之前要知
- 語音要上網。粵拼、倉頡、速成同英文打字就唔使
- 每部機每星期 10 分鐘免費語音，逢星期一重設。打字冇限制
- 暫時淨係有 Android。要 Android 10 或以上，iPhone 版做緊
- 密碼欄唔可以用語音。錄音點處理，私隱政策逐項寫清楚
常見問題
廣東話語音輸入準唔準？
OmuType 用專門聽廣東話嘅語音辨識，講完再由 AI 對一次同音字、人名同英文字。加入你常用嘅名做 Keywords，會再準啲。講錯咗，直接講一句改返就得。
可唔可以廣東話夾英文講？
可以，唔使揀語言。「send 份 proposal 畀 Kelly」會打出 send 同 proposal，唔會譯做中文。
會唔會打出簡體字或者普通話？
永遠唔會。語音辨識結果有簡體字，OmuType 會即刻轉返香港繁體，AI 改寫都一樣；倉頡、速成字庫剔走咗簡體專用字。咗、嘅、畀呢啲廣東話字亦會保留，唔會轉做了、的、給。
語音輸入使唔使錢？
每部機每星期有 10 分鐘免費語音，逢星期一重設。打字完全免費，冇限制。付費版快將推出。
我講嘅嘢會唔會畀人聽到？
用語音嗰陣，錄音同游標附近嘅文字會交畀語音辨識同 AI 服務處理，我哋嘅伺服器唔會保存。密碼欄唔可以用語音。詳情睇私隱政策。
同 Gboard 語音輸入有咩分別？
Gboard 都可以講廣東話，但常見問題係打出普通話書面語、英文字被譯走。OmuType 專做廣東話夾英文，仲可以講一句就改字。
撳住 mic，
講句廣東話試下
免費下載，唔使登記、唔使信用卡