點樣用
三步就寫到
- 1
揀「手寫」
設定 › 中文輸入法揀「手寫」，或者長按鍵盤嘅語言鍵揀「手」。第一次會下載約 17 MB 嘅辨識模型
- 2
一格寫一個字
喺左格寫第一個字，候選列即刻出讀法。寫歪咗撳 ↶，⌫ 擦最後一筆
- 3
繼續喺另一格寫
上一個字自動輸入，變淡留喺原位，等你寫完一句。最後一個字撳候選字、空格或者標點就入
點解咁寫快啲
一般手寫鍵盤每寫一個字都要停低揀。雙格連寫將「揀字」變成「寫下一個字」：個手唔使離開寫字嘅位
- 雙格連寫
寫下一格就輸入
寫完「我」，喺另一格寫「哋」嘅第一筆，「我」就自動入咗。唔使撳，唔使等
- 格跟字大
寫過中間都唔會切開
一個字寫喺中間，格會跟住個字變大；掂到個字嘅筆畫都算同一個字，偏旁（氵亻口）會等埋右邊
- 唔會自己入字
慢慢寫都得
停低諗幾耐都得，唔會因為計時入咗半個字。只有你繼續寫、撳候選字、空格或者標點先會輸入
- 香港繁體
唔出簡體
所有讀法都轉做香港繁體，同粵拼、倉頡一樣；揀完仲會提示下一個詞，例如「我」之後出「哋」
老實講
- 一次寫一個字。每格寫一個字，唔係成句寫晒先認
- 第一次要上網。揀手寫嗰陣要下載約 17 MB 嘅辨識模型；之後辨識喺部機度做，唔使上網
- 好散嘅字可能要撳 ↶。例如寫得好開嘅「八」「川」，間中會當咗兩個字；撳 ↶ 擦返最後一筆就得
常見問題
點樣開手寫輸入？
喺 OmuType 設定 › 中文輸入法揀「手寫」，或者長按鍵盤嘅語言鍵揀「手」。第一次揀會下載手寫辨識模型（約 17 MB），下載完就用得。
手寫要唔要上網？
只係第一次下載模型要上網。之後辨識喺部機度做，冇網都寫到。
寫完一個字點樣輸入？
繼續喺另一格寫下一個字，上一個字就自動輸入（用第一個讀法）。想揀第二個讀法，撳候選列入面嗰個字就得；空格、標點同換行都會先輸入你寫緊嘅字。
我寫嘅字會唔會傳出去？
唔會。筆跡同辨識出嚟嘅字都留喺部機度。手寫辨識用 Google ML Kit，佢會向 Google 傳送使用數據（裝置同 app 資料、安裝識別碼、效能），但唔包括你寫嘅嘢。詳情睇私隱政策。
會唔會出簡體字？
唔會。所有讀法都轉做香港繁體先顯示，同 OmuType 其他輸入法一樣。
手寫使唔使錢？
唔使。手寫同打字一樣免費，冇限制。
用手寫
一氣呵成寫一句
免費下載，揀「手寫」就用得
Beta 版限時免費