新玩法鍵上手寫 · Android · iPhone
執筆忘字?
喺鍵上面寫出嚟
打緊速成、倉頡或者英文,突然有個字唔識打?唔使轉去手寫鍵盤,用手指喺字母上面直接寫,候選列即刻出字。撳一下照打返個字母,打字同寫字可以夾埋用
「撳就打速成,唔識就手寫」
撳 = 打字母
劃過三粒鍵先開始寫,平時打字唔會誤觸
寫完喺候選列揀
寫錯撳 ⌫ 擦最後一筆,唔要就撳 ✕ 取消
慢慢寫都得
唔會計時自己入字,你揀咗先算
邊個鍵盤都寫到
英文、速成、倉頡、粵拼、筆劃,香港繁體
點樣打開鍵上手寫
- 1
打開 OmuType,去「打字 & 改字」
喺 OmuType app 嘅設定首頁,揀「打字 & 改字」
- 2
喺「手勢」揀「鍵上手寫」
中文鍵盤同英文鍵盤分開揀,可以兩個都揀,亦可以淨係揀一個。第一次會下載約 17 MB 嘅手寫辨識模型
- 3
返去打字,喺鍵上面寫一筆
第一筆劃過三粒鍵就會開始寫。想刪字,由 ⌫ 向左掃
Android 快捷:打字時長按 123 都轉到。123 右上角個細圖,就係而家用緊嘅手勢
iPhone:要開「允許完全取用」,先下載到手寫辨識模型
設定 › 打字 & 改字 › 手勢
中文鍵盤
- 向左掃刪字
- 掃字輸入
- 鍵上手寫
英文鍵盤
- 向左掃刪字
- 掃字輸入
- 鍵上手寫
中文鍵盤:喺鍵上面直接寫字,撳鍵照打,由 ⌫ 向左掃刪字
點樣用
三步就寫到
- 1
揀「手寫」
設定 › 中文輸入法揀「手寫」,或者長按鍵盤嘅語言鍵揀「手」。Android 第一次會下載約 17 MB 嘅辨識模型
- 2
一格寫一個字
喺左格寫第一個字,候選列即刻出讀法。寫歪咗撳 ↶,⌫ 擦最後一筆
- 3
繼續喺另一格寫
上一個字自動輸入,變淡留喺原位,等你寫完一句。最後一個字撳候選字、空格或者標點就入
點解咁寫快啲
一般手寫鍵盤每寫一個字都要停低揀。雙格連寫將「揀字」變成「寫下一個字」:個手唔使離開寫字嘅位
- 雙格連寫
寫下一格就輸入
寫完「我」,喺另一格寫「哋」嘅第一筆,「我」就自動入咗。唔使撳,唔使等
- 格跟字大
寫過中間都唔會切開
一個字寫喺中間,格會跟住個字變大;掂到個字嘅筆畫都算同一個字,偏旁(氵亻口)會等埋右邊
- 唔會自己入字
慢慢寫都得
停低諗幾耐都得,唔會因為計時入咗半個字。只有你繼續寫、撳候選字、空格或者標點先會輸入
- 香港繁體
唔出簡體
所有讀法都轉做香港繁體,同粵拼、倉頡一樣;揀完仲會提示下一個詞,例如「我」之後出「哋」
老實講
- 一次寫一個字。每格寫一個字,唔係成句寫晒先認
- 兩格輪住寫暫時淨係 Android 有。iPhone 而家一格寫一個字,寫完撳候選字輸入
- Android 第一次要上網。揀手寫嗰陣要下載約 17 MB 嘅辨識模型;之後辨識喺部機度做,唔使上網
- 好散嘅字可能要撳 ↶。例如寫得好開嘅「八」「川」,間中會當咗兩個字;撳 ↶ 擦返最後一筆就得
常見問題
點樣開手寫輸入?
喺 OmuType 設定 › 中文輸入法揀「手寫」,或者長按鍵盤嘅語言鍵揀「手」。Android 第一次揀會下載手寫辨識模型(約 17 MB),下載完就用得。
打字打到一半唔識打個字,點算?
用鍵上手寫:喺 OmuType 設定 › 打字 & 改字 › 手勢,揀「鍵上手寫」(中文鍵盤同英文鍵盤分開揀)。之後喺字母上面直接用手指寫,候選列就出字;撳一下照打字母。Android 打字時長按 123 都轉到;iPhone 要開「允許完全取用」先下載到手寫辨識模型。
手寫要唔要上網?
Android 只係第一次下載模型要上網。之後辨識喺部機度做,冇網都寫到。
寫完一個字點樣輸入?
Android 上面,繼續喺另一格寫下一個字,上一個字就自動輸入(用第一個讀法)。想揀第二個讀法,撳候選列入面嗰個字就得;空格、標點同換行都會先輸入你寫緊嘅字。iPhone 而家一格寫一個字,寫完撳候選字輸入。
我寫嘅字會唔會傳出去?
唔會。筆跡同辨識出嚟嘅字都留喺部機度。Android 嘅手寫辨識用 Google ML Kit,佢會向 Google 傳送使用數據(裝置同 app 資料、安裝識別碼、效能),但唔包括你寫嘅嘢。詳情睇私隱政策。
會唔會出簡體字?
唔會。所有讀法都轉做香港繁體先顯示,同 OmuType 其他輸入法一樣。
手寫使唔使錢?
唔使。手寫同打字一樣免費,冇限制。