1 分鐘睇晒
第一個喺 Mac 上面 倉頡連打中英夾雜, 打啱打錯都估到
撳右下角個喇叭開聲
Vibe Typing
亂咁打 都出啱句
唔使停、唔使逐個字揀、唔使理打啱未。倉頡、速成成句碼一路打落去,撳歪幾個字母、中英夾雜都得,打完撳一下空格就出你想打嗰句
中英混打
中英唔使轉 佢自己識分
打英文就出英文,打倉頡就出中文,一句入面夾埋都得。想自己轉,撳一下 Caps Lock
倉頡英文自己跳,唔使撳
英文
英文打幾個字母 就出到成個字
打個開頭就得,空格或者 Tab 一撳就出成個字。唔係你想要?即刻撳 ⌫ 就還原
- unders
- understand
- Powerpo
- PowerPoint
- techno
- technology
- ema
輸入法
速成、倉頡、粵拼、筆劃都有
你揀開嘅字會排先,越打越順手
Mac 速成輸入法
智能排序,或者跟 Windows 嘅次序
Mac 倉頡輸入法
三代、五代碼都打到,可以連打
Mac 粵拼輸入法
唔使打聲調,懶音同港式拼法都得
Mac 筆劃輸入法
h s p n z 代表五種筆劃
離線版 · 完全離線
唔使上網 亦都唔會上網
離線版所有嘢都喺你部機度做。佢冇上網嘅權限,亦冇任何上網嘅程式碼,私隱方面完全唔使擔心
你打嘅字,我哋睇唔到
佢冇辦法將任何嘢傳出你部 Mac
乜都唔收集
冇分析、冇使用紀錄、冇當機報告,你打嘅字一隻都唔會儲低
唔使登入
冇帳戶、冇電郵,裝完就用
熄咗 Wi-Fi 照用
飛機上、船上,一樣打得
唔使信我哋,自己試
- 1熄咗 Wi-Fi 再打每個功能都照用,因為根本唔需要網絡
- 2開「活動監視器」,揀「網絡」搵 OmuType:傳送同接收都係 0
- 3裝 LuLu 或者 Little Snitch呢類防火牆會話你知每個程式幾時想上網。OmuType 一次都唔會出現
- 4識用終端機?睇佢嘅權限冇任何上網權限
codesign -d --entitlements - ~/Library/Input\ Methods/OmuType.app
加 OmuType 嗰陣,macOS 會提你輸入法可以讀到你打嘅字。每個第三方輸入法都會見到呢句提示
Mac 版常見問題
咩係 Vibe Typing?
Vibe Typing 係 OmuType for Mac 嘅打法:成句碼一路打,唔使停、唔使逐個字揀、唔使理每個鍵撳啱未。撳歪咗幾個字母、中英夾雜,打完撳一下空格都出到你想打嗰句。倉頡同速成都得。
Mac 可唔可以倉頡連打?
可以,用 OmuType。macOS 內置嘅倉頡要逐個字打、逐個字揀;OmuType 可以成句連住打,中間夾英文都得,打完撳一下空格。
語音版同離線版有咩唔同?
打字功能一樣。語音版多咗講嘢打字:撳住就講,講完就打落去。講嘢嗰陣聲音會經網絡變成文字,打字仍然只喺你部 Mac 處理。每星期有 10 分鐘語音免費;手機有 VIP,喺 Mac 輸入部手機嘅裝置碼就一齊用。離線版完全唔上網。兩個可以一齊裝。
點解叫 Beta?
OmuType for Mac 而家係 Beta 版:打字嘅功能齊晒,我哋仲會一路改進。出新版就喺呢頁下載,拖入 Applications 蓋過舊嗰個就得。
真係免費?
係。2026 年底前下載,就永久免費用,唔使登入,唔使俾卡。
OmuType Mac 版會唔會收集我打嘅字?
唔會。離線版完全唔上網,冇上網權限亦冇上網嘅程式碼,冇分析、冇使用紀錄。你打嘅字淨係喺你部 Mac 度處理,一隻都唔會儲低。語音版只係講嘢嗰陣先上網,將聲音變成文字。
我部 Mac 用唔用到?
要 macOS 15 或之後,同 Apple 晶片(M1 或之後)嘅 Mac。
點樣更新?
喺呢頁下載新版,拖入 Applications 蓋過舊嗰個就得。離線版唔上網,所以唔會自己更新。
有冇語音輸入同手寫?
語音有:下載語音版,撳住就講,中英夾雜都得。手寫只係手機版有。
同手機版嘅 VIP 有冇關係?
離線版唔使 VIP。語音版同手機共用 VIP:喺 Mac 輸入部手機嘅裝置碼,就一齊用同一個計劃,唔使再俾多份錢。你亦可以喺手機版匯出個人 Keywords,再喺 Mac 版嘅 設定 › 個人 Keywords 匯入,人名、公司名打得更準。